രിസാല സ്ക്വയര് (APRIL.20): എസ് എസ് എഫ് സംസ്ഥാന സമ്മേളനത്തിന് ഇന്ന് കൊടിയുയരും. സംഘടനയുടെ നാല്പ്പത് വര്ഷങ്ങള് വിളംബരം ചെയ്ത് സംസ്ഥാനത്തെ നാല്പ്പത് പ്രമുഖ ചരിത്ര കേന്ദ്രങ്ങളില് നിന്ന് കാല്നട ജാഥയായി കൊണ്ടുവന്ന 40 പതാകകളാണ് സമ്മേളന നഗരിയില് ഉയര്ത്തുന്നത്. നാല് പതിറ്റാണ്ടിനിടെ എസ് എസ് എഫിന് നേതൃത്വം നല്കിയ സംസ്ഥാന സാരഥികളാണ് പതാകകള് ഉയര്ത്തുക. എറണാകുളം ജില്ലയിലെ ആത്മീയ, ചരിത്ര ഭൂമികളില് നിന്ന് ജാഥയായി കൊണ്ടുവന്ന കൊടിമരങ്ങളിലാണ് പതാകകള് ഉയര്ത്തുന്നത്. ഇന്ന് വൈകീട്ട് 5ന് നടക്കുന്ന കൊടി ഉയര്ത്തല് ചടങ്ങില് എസ് വൈ എസ് സംസ്ഥാന പ്രസിഡന്റ് പൊന്മള അബ്ദുല് ഖാദിര് മുസ്ലിയാര് മുഖ്യാതിഥിയായി പങ്കെടുക്കും. പി സുനില്കുമാര് എം എല് എ അഭിവാദ്യ പ്രസംഗം നടത്തും.
‘സമരമാണ് ജീവിതം’ എന്ന സന്ദേശത്തില് ഈ മാസം 26, 27, 28 തീയതികളില് കലൂര് അന്താരാഷ്ട്ര സ്റ്റേഡിയത്തിലാണ് (രിസാല സ്ക്വയര്) സമ്മേളനം നടക്കുന്നത്. സമ്മേളന പ്രമേയം മുന്നോട്ടു വെക്കുന്ന സന്ദേശം ഏറ്റെടുത്ത് സംസ്ഥാന വ്യാപകമായി നടത്തിയ സൃഷ്ടിപരമായ സമരങ്ങള്ക്കും ക്രിയാത്മക പ്രവര്ത്തനങ്ങള്ക്കുമൊപ്പം ആറ് മാസക്കാലമായി സംഘടനാ ഘടകങ്ങളിലൂടെ നടത്തിയ ശ്രദ്ധേയമായ പ്രചാരണ പ്രവര്ത്തനങ്ങള്ക്കൊടുവിലാണ് സമ്മേളനം നടക്കുന്നത്.
കാസര്കോടുനിന്നും തിരുവനന്തപുരത്തുനിന്നും പര്യടനമാരംഭിച്ച രണ്ട് പതാക ജാഥകളാണ് വെള്ളിയാഴ്ച എറണാകുളത്ത് സംഗമിക്കുന്നത്. കേരളത്തിലെ മുസ്ലിം നവോത്ഥാനത്തിനും ആത്മീയ ജീവിതത്തിനും നേതൃത്വം നല്കിയ പൂര്വ സൂരികളുടെ അന്ത്യ വിശ്രമസ്ഥാനങ്ങളില്നിന്നും ചരിത്ര സ്മാരകങ്ങളില്നിന്നും പ്രമുഖ പണ്ഡിതന്മാരും നേതാക്കളും കൈമാറിയ പതാകകളാണ് കാല്നടയായി എറണാകുളത്തെത്തിക്കുന്നത്. എസ് എസ് എഫ് സംസ്ഥാന സമിതി പ്രതിനിധികള്ക്കൊപ്പം ഓരോ ജില്ലകളിലെയും നേതാക്കളും പ്രവര്ത്തകരുമാണ് പതാകകള് വഹിച്ചുള്ള കാല്നട ജാഥകള് നയിച്ചത്. എറണാകുളം നഗരത്തിലെത്തുന്ന ജാഥാ നായകരില്നിന്ന് പതാകകള് എസ് എസ് എഫ് സംസ്ഥാന ഐ ടീം അംഗങ്ങള് സ്വീകരിച്ച് പ്രകടനമായാണ് നഗരിയിലേക്ക് കൊണ്ടുവരിക.
പതാകകള് നഗരിയില് ഉയര്ത്തുന്നതോടെ സമ്മേളനാനുബന്ധ പരിപാടികള്ക്ക് തുടക്കം കുറിക്കും. ഇസ്ലാമിക് എക്സിബിഷന്, പുസ്തക മേള, സാംസ്കാരിക സെമിനാറുകള് തുടങ്ങിയ വ്യത്യസ്ത പരിപാടികള് സമ്മേളനത്തോടനുബന്ധിച്ച് നടക്കും.
നവോത്ഥാന വഴിയില് പുത്തനുണര്വ്വ് നല്കിയ സാത്വികരായ പണ്ഡിതര്, അധിനിവേശ ശക്തികള്ക്കെതിരെ സമരം നയിച്ച ദീരദേശാഭിമാനികള്, സംഘടനയുടെ നിസ്വാര്ത്ഥരായ മുന്കാല നേതാക്കള്, എന്നിവരുടെ ചാരത്തുനിന്നാണ് സമസ്ത കേരള ജംഇയ്യത്തുല് ഉലമയുടെ മുശാവറ അംഗങ്ങള് പതാക കൈമാറിയത്. കാസര്കോഡ് മാലിക് ദീനാര് മഖാം, താഹിറുല് അഹ്ദല് മഖാം, കണ്ണൂര് അബ്ദുറസാഖ് കൊറ്റി ഖബറിടം, സയ്യിദ് ജലാലുദ്ധീന് ബുഖാരി വളപട്ടണം,സയ്യിദ് മൌലല് ബുഖാരി മഖാം, ഖുത്വുബി തങ്ങള് മഖാം, ഒ. ഖാലിദ് ഖബറിടം, കോഴിക്കോട് കുഞ്ഞിപ്പള്ളി മഖാം, വരക്കല് മുല്ലക്കോയ തങ്ങള് മഖാം, സി.എം മഖാം മടവൂര്, ഇ.കെ ഹസ്സന് മുസ്ളിയാര് മഖ്ബറ, വടകര മമ്മദാജി തങ്ങള് മഖാം, ശാലിയാത്തി മഖാം ചാലിയം, അവേലത്ത് തങ്ങള് മഖാം, കുഞ്ഞാലി മരക്കാര് സ്മാരകം, ജിഫ്രി മഖാം കുറ്റിച്ചിറ,വയനാട് കാട്ടിച്ചിറക്കല് മഖാം,മലപ്പുറം വെള്ളില ഉസ്താദ് ഭവനം, മമ്പുറം മഖാം, കുണ്ടൂര് ഉസ്താദ് മഖാം, ഒ.കെ ഉസ്താദ് മഖാം, മലപ്പുറം ശുഹദാ മഖാം, മഖ്ദൂം തങ്ങള് മഖാം പൊാനി, ഉമര്ഖാസി (റ) മഖാം വെളിയങ്കോട്, വാരിയന് കുന് സ്മാരകം, നെല്ലിക്കുത്ത് ഉസ്താദ് മഖാം, ആലിമുസ്ളിയാര് സമരകേന്ദ്രം, പാലക്കാട് മഞ്ഞക്കുളം മഖാം, തൃശ്ശൂര് ഹിബത്തുള്ള മഖാം, ചേരമാന് മസ്ജിദ് കൊടുങ്ങല്ലൂറ്, കൈപ്പമംഗലം കരീം ഹാജി മഖാം, ആലപ്പുഴ പതി ഉസ്താദ് മഖാം, കൊല്ലം ജോനഗപ്പുറം മഖാം, കോട്ടയം കുഞ്ഞുണ്ണി തങ്ങള് മഖാം ചങ്ങനാശ്ശേരി, പത്തനംതിട്ട ആദിക്കാട് കുളങ്ങര മഖാം, ഇടുക്കി മങ്ങാട്ട് കവല മഖാം, തിരുവനന്തപുരം ബീമാപള്ളി മഖാം, കടുവപള്ളി മഖാം, നീലഗിരി ഹസ്സന് ശാ ഖാദിരി മഖാം ഊട്ടി എിവിടങ്ങളില് നിന്നുള്ള പതാകകളാണ് രിസാല സ്ക്വയറില് സംഗമിക്കുത്. സമ്മേളന ചരിത്രത്തില് തുല്ല്യതയില്ലാത്ത അദ്ധ്യായങ്ങളാണ് പതാകജാഥ സമൂഹത്തിന് സമ്മാനിച്ചത്. സമ്മേളന സദ്ധ സേനയായ ബ്ലൂ, ഗ്രീന് വൈറ്റ് കേഡറ്റ് അംഗങ്ങള് കാല്നടയായിട്ടാണ് പതാകയുമായി നീങ്ങിയത്...
No comments:
Post a Comment